Süni intellekt texnologiyalarının sürətlə inkişaf etdiyi, artıq bir-biri ilə “manipulyasiya” edən modellərin ortaya çıxdığı, insanabənzər robotların sınaqdan keçirildiyi bu dövrdə SEO-nun hələ də əsas dayağı məzmundurmu?
Google başda olmaqla, süni intellekt üzrə qabaqcıl şirkətlər bir tərəfdən yeni nəsil texnologiyalar təqdim etsələr də, digər tərəfdən də axtarış sistemlərini təkmilləşdirməkdən, SEO qaydalarını dəyişməkdən geri qalmırlar.
Əgər istifadəçilər hələ də Google kimi “əfsanəvi” axtarış motorlarından imtina etməyiblərsə, demək ki, orijinal və SEO uyğun kontent hazırlamaq öz əhəmiyyətini qoruyur. Amma bu, tək başına kifayət edirmi?
Çünki bir çox sahələrdə rəqabət inanılmaz dərəcədə sərtdir. Şirkətlər həm Google qaydalarına əməl etməli, həm də reklam kampaniyaları ilə istifadəçini cəlb etməyə çalışmalı olurlar. Bütün bu zəhmətin qarşılığını almaq isə getdikcə daha çətinləşir.
Klassik SEO qaydaları nələrdir?
-
SEO uyğun məzmun hazırlamaq
-
Texniki cəhətdən optimallaşdırılmış sayt qurmaq
-
Saytı sürətli və mobil uyğun hala gətirmək
-
İstifadəçi təcrübəsinə önəm vermək
-
Sosial mediadan istifadə edib backlinklər yaratmaq
Bunların hər biri önəmlidir, lakin artıq yetərli deyil. İndi daha geniş düşünmək və çərçivədən çıxmaq vaxtıdır.
2025-ci ildə SEO uğuru yalnız kontentlə bağlı deyil. Məzmun vacibdir, amma oyunu qazananlar strateji düşünənlərdir.
Google-un qaydalarına uyğun olmaq lazımdır, amma eyni zamanda:
-
Lokal əhatəni genişləndirmək
-
Rəqəmsal identitetləri çoxaltmaq
-
Sosial mediada fərqli adlarla mövcud olmaq
-
Blog, video, backlink, xəritə, məkan – hamısını birlikdə işlətmək
SEO artıq sprint deyil – marafondur. Yalnız yola davam edənlər qalib gələcək.
